542 արցախցի ընտանիք դարձել է բնակարանային ապահովման ծրագրի շահառու. Մանուչարյան

Արցախից բռնի տեղահանված 542 ընտանիք, այս պահի դրությամբ, դարձել է ՀՀ կառավարության կողմից իրականացվող բռնի տեղհանաված արցախցիներին բնակարանով ապահովելու ծրագրի շահառու: Այս մասին «Փաստինֆո» -ին հայտնեց ՀՀ աշխատանքի և սոցիալական հարցերի նախարարության մամլո խոսնակ Զառա Մանուչարյանը՝ նշելով, որ թիվը ներառում է ծրագրում առկա բոլոր բաղադրիչներից օգտվող շահառուներին։

Ինչպես արդեն հայտնել ենք՝ ծրագրի կարեւոր պայմաններից մեկը ՀՀ քաղաքացիություն ստանալն է։ ՆԳՆ միգրացիոն ծառայության տվյալների համաձայն՝ 2024 թի դեկտեմբերի 30-ի դրությամբ, ՀՀ քաղաքացիությու ստանալու դիմում ներկայացրել է 6802 բռնի տեղահանված անձ, որից 5650-ին ՀՀ Նախագահի հրամանագրով շնորհվել է ՀՀ քաղաքացիություն։ԼՂ-ից բռնի տեղահանված անձանցից 111 460-ին տրամադրվել է ԺՊ վկայական։