Ադրբեջանցի դիկտատորն օգտագործում է Խոջալուի առասպելը` իր ընտանիքի իշխանությունն արդարացնելու համար․ Middle East Forum

Համաշխարհային Մամուլ 28 Փետրվար, 2025 14:51

1992 թվականի ապրիլի 2-ին Ադրբեջանի նախկին նախագահ Մութալիբովը ռուսական անկախ «Նեզավիսիմայա գազետա» թերթին ասել է, որ հայերը միջանցք են թողել խաղաղ բնակչության տարհանման համար, ինչը հաստատել է Մամեդովը (խորհրդարանի նախագահը), գրում է Middle East Forum–ը։

Ադրբեջանցի լրագրող Էյնուլլա Ֆաթուլաևը հիշում էր Խոջալուի բնակիչների հետ հարցազրույցները, որոնք ասում էին, որ հայկական ուժերը բարձրախոսներով զգուշացրել են խաղաղ բնակիչներին լքել քաղաքը նախքան մարտերի սկսվելը, և որ ադրբեջանցի պաշտոնյաները փորձել են կանխել խաղաղ բնակիչների տարհանումը՝ վախենալով, որ նրանց կենդանի վահանի կորուստը կարող է արագացնել հայկական առաջխաղացումը։

2010թ.-ին ՄԻԵԴ-ում լսումներ անցկացվեցին լրագրող Էյնուլլա Ֆաթուլաևի կողմից Ադրբեջանի դեմ հարուցված գործով, ում Ադրբեջանը բանտարկել էր Խոջալուի ջարդերի պատասխանատվությունը ոչ թե Հայաստանի, այլ Ադրբեջանի վրա դնելու համար: Ապացույցները լսելուց հետո դատարանը վճիռ էր կայացրել ընդդեմ Ադրբեջանի։

Տարիներ անց՝ 2001 թվականի մարտի 6-ին, Մութալիբովը «Նովոյե վրեմյա»-ին տված հարցազրույցում ասել էր, որ ադրբեջանական ուժերը հնարավոր է՝ սպանել են բազմաթիվ ադրբեջանցի խաղաղ բնակիչներին՝ ցինիկ կերպով փորձելով արդարացնել իշխանության դեմ հեղաշրջումը:

1992 թվականի ապրիլին Ադրբեջանի «Билик Дуньясы» լրատվական ծառայությունը մեջբերել է 1993-ից 2003 թվականների նախագահ և ներկայիս նախագահ Իլհամ Ալիևի հոր՝ Հեյդար Ալիևի խոսքերը. «Արյունահեղությունը մեզ ձեռնտու կլինի»:

Ադրբեջանական «Мухалифат» թերթը մեջբերել է Ադրբեջանի Գերագույն խորհրդի նախագահի առաջին տեղակալ Թամերլան Կարաևին, ով Մութալիբովի պաշտոնանկությունից հետո ասել էր. «Ողբերգությունը կատարվել է Ադրբեջանի ներկայիս իշխանությունների ... ինչ-որ բարձրաստիճան մեկի կողմից»։

Այսօր «Խոջալուի ցեղասպանության» առասպելը ադրբեջանական քաղաքականության կենտրոնական սյունն է և Ալիևների ընտանիքի լեգիտիմությունը։ Ադրբեջանական պաշտոնական կայքերը Խոջալուն համեմատում են Հիրոսիմայի և Նագասակիի հետ։ «Խախտելով միջազգային իրավական բոլոր նորմերը՝ հայկական զինված ուժերը ծանր զինտեխնիկայի կիրառմամբ հարձակվել են շրջափակված Խոջալու քաղաքի խաղաղ բնակչության վրա՝ սպանելով նրանց աննախադեպ դաժանությամբ»։ Հեյդար Ալիևն օգտագործել է կոտորածը՝ արդարացնելու Մութալիբովի և նրա իշխանության տապալումը։

Քանի որ կոռուպցիան և վատ կառավարումը աճում էին, իսկ շարքային ադրբեջանցիների դժգոհությունը մեծանում էր, Իլհամ Ալիևը կրկնապատկեց Խոջալուի առասպելը` արդարացնելու իր իշխանությունը, հաճախ գեներացնելով լուսանկարներ, որոնց մի մասը արվել է 1983թ. Էրզրումի երկրաշարժի ժամանակ: Ադրբեջանը նաև կեղծ կերպով Կոսովոյի վայրագությունների լուսանկարներն այնպես է ներկայացրել, իբր թե դրանք տեղի են ունեցել Խոջալուում: