Մեծ Բրիտանիան պաշտպանել է Մերցի՝ Ուկրաինային Taurus հրթիռներ հանձնելու գաղափարը

Մեծ Բրիտանիան պատրաստ է աջակցել Գերմանիայի ապագա կանցլեր Ֆրիդրիխ Մերցի՝ Ուկրաինա հեռահար Taurus հրթիռներ ուղարկելու գաղափարին։ Այս մասին գրում է Telegraph թերթը՝ վկայակոչելով աղբյուրներին։

Կառավարությունում թերթի աղբյուրների փոխանցմամբ՝ Լոնդոնը պատրաստ է աջակցել Գերմանիայի կառավարության որոշմանը Ուկրաինային Taurus թևավոր հրթիռներ տրամադրելու վերաբերյալ։

Դա կարող է աջակցության լրացուցիչ ազդանշան ծառայել նորընտիր կանցլեր Ֆրիդրիխ Մերցին, ով պաշտոնը կստանձնի մայիսի սկզբին։

«Մենք շարունակում ենք աշխատել մեր գործընկերների, այդ թվում՝ Գերմանիայի հետ, որպեսզի Ուկրաինան լավագույնս ապահովված լինի իր ինքնիշխան տարածքը պաշտպանելու համար», - ասել է բրիտանացի անանուն պաշտոնյան: