Եվրոպան Ուկրաինայի համար խաղաղության ծրագիր չունի. ՆԱՏՕ-ի նախկին խորհրդական

Եվրոպայում ոչ ոք չի կարողանում ներկայացնել Ուկրաինայի զինված հակամարտությունը դադարեցնելու իրագործելի ծրագիր՝ առավել ևս, որ Եվրամիության ղեկավարությունը դրա համար քաղաքական կամք չունի։

Նման կարծիք է հայտնել ՆԱՏՕ-ի նախկին խորհրդական, Շվեյցարիայի Գլխավոր շտաբի պաշտոնաթող գնդապետ Ժակ Բոն Dialogue Works-ին տված հարցազրույցի ժամանակ։

Փորձագետը նշել է, որ Ռուսաստանի և Եվրոպայի միջև անվստահության երկար պատմություն կա։ Նա հիշեցրել է, թե ինչպես եվրոպական երկրները պատժամիջոցներ սահմանեցին Մոսկվայի դեմ 2022 թվականին և ստիպեցին ամբողջ աշխարհին հետևել այդ օրինակին։

«Սակայն շուտով ակնհայտ դարձավ, որ Եվրոպան իրեն պատանդ է վերցրել՝ պատժամիջոցներ սահմանելով ռուսական գազի և նավթի դեմ, այնուհետև գների առաստաղի վերաբերյալ արտակարգ որոշումներ կայացնելով։

«Սա ամբողջ աշխարհում մերժման մթնոլորտ է ստեղծել», - հայտարարել է գնդապետը։