Հնդկաստանը ԱՄՆ-ին առաջարկել է իր տարածքը Չինաստանից արտադրությունը տեղափոխելու համար

Հնդկաստանը ԱՄՆ-ին առաջարկել է իր տարածքը Չինաստանից արտադրությունը տեղափոխելու համար, գրում է The Economic Times-ը։

Պարբերականի տվյալներով՝ Հնդկաստանի իշխանությունները մտադիր են օգտվել Չինաստանից ամերիկյան ընկերությունների առաջիկա դուրսբերման հետ կապված իրավիճակից և մատակարարման շղթաների ակնկալվող գլոբալ վերակառուցումից հատկապես այնպիսի ոլորտներում, ինչպիսիք են էլեկտրոնիկան և դեղագործությունը։

«Կառավարությունը հայտնաբերել է 10-12 ոլորտ, ինչպիսիք են էլեկտրոնիկան, դեղագործությունը, քիմիական, ավտոմեքենաները, խաղալիքները, օդորակիչները, կենցաղային տեխնիկան, որտեղ Հնդկաստանը կարող է մրցակցային առավելություններ ունենալ, և այդ ոլորտները կաջակցվեն», - իր աղբյուրի խոսքերը մեջբերում է հրատարակությունը։