Ասադը Սիրիայից ապօրինաբար դուսր է հանել գաղտնի փաստաթղթեր․ Reuters

Սիրիայի նախկին նախագահ Բաշար Ասադը, պատրաստվելով լքել երկիրը 2024 թվականի դեկտեմբերին, ապօրինաբար կես միլիոն դոլար կանխիկ գումար և թանկարժեք իրեր է դուրս բերել երկրից: Այս մասին գրում Է Reuters-ը՝ հղում անելով իր աղբյուրներին։

Սիրիացի մի քանի պաշտոնյաների և Ասադի շրջապատի աղբյուրի տվյալներով՝ Սիրիայից փախչելուց առաջ նախկին նախագահը վարձակալած մասնավոր ինքնաթիռով ապօրինի մոտ 500 հազար դոլար կանխիկ գումար է դուրս բերել: Բացի այդ, դուրս են բերվել նկարներ, քանդակներ, կոշտ սկավառակներ և գաղտնի տեղեկություններ պարունակող փաստաթղթեր։

Գործակալությունը նաև թռիչքների տվյալներ է ներկայացրել, որոնց համաձայն Embraer Legacy 600 ինքնաթիռը, որը վարձակալել էր Ասադի տնտեսական հարցերով խորհրդական Յասար Իբրահիմը, Սիրիայից Արաբական Միացյալ Էմիրություններ և հակառակ ուղղությամբ չորս չվերթ է իրականացրել Ասադի տապալումից 48 ժամ առաջ: Գործակալության տվյալներով՝ վերջին թռիչքը կատարվել է ռուսական «Հմեյմիմ» ավիաբազայից: