Աչքփակոցիով ու պատմական փաստերը խեղաթյուրելով՝ հաշտություն չի լինում, ոչ էլ խաղաղություն․ Նազենի Հովհաննիսյան

«10 տարի անցավ. ի՞նչ հիշեցինք, ի՞նչ հասկացանք»,– Ինստագրամի իր էջում գրել է դերասանուհի Նազենի Հովհաննիսյանը՝ կից հրապարակելով տեսանյութ Ծիծեռնակաբերդի հուշահամալիրից:

«Ամենամեծ պատերազմը, որ մղվում է անդադար՝ մեր սեփական պատմության դեմ է, որն էլ տանուլ ենք տալիս հա:
Պարտվում ենք Երկրի ներսում, դրսում, թշնամուն և ինքներս մեզ:
Հաղթանակը Նախ ՀԻՇՈՂՈւԹՅՈւՆՆ Է՝ Պատմության, փաստերի,
հերոսական, թե սխալ ապրած կյանքի,
մեր պատումի, սայթաքումների, պրպտումների, կորուստների ու ձեռքբերումների մասին ՀԻՇՈՂՈւԹՅՈւՆԸ:

Ակտիվ ու պահանջատեր՝ ԳՈՐԾՈւՆ ՀԻՇՈՂՈւԹՅՈւՆԸ:
ՀԻՇՈՂՈւԹՅՈւՆԸ՝ հավաքական ու անհատական:
Հիշողությունը՝ հերոսական, թե ամոթալի էջերի:
Հիշողությունը, որն անգամ մահվան գետով՝ մեզ ի վերջո տարել է դեպի ԿՅԱՆՔ:

ՀԻՇԵՆՔ, որ հայոց ցեղասպանության զոհերը ՍՐԲԱԴԱՍՎԱԾ են. ԱՆՊԱՐՏ են, ուրեմն մենք պարտավոր ենք ԱՊՐԵԼ Հանուն ՀԱՅԱՍՏԱՆԻ ու ՀԱՅԿԱԿԱՆՈւԹՅԱՆ անմար գոյության, Հայոց շարունակականության, հանուն մեր կյանքի՝ անքակտ շղթայի, հանուն մեր ոգու աննկուն գոյության:

Խաղաղություն և հաշտությու՞ն

Հաշտությունը լինում է, երբ ՍԽԱԼԸ խոստովանվում է, Ճշմարտությունը հաստատվում, Պատմագրությունը՝ ամրագրում իրողությունը:

Աչքփակոցիով ու պատմական փաստերը խեղաթյուրելով՝ հաշտություն չի լինում, ոչ էլ խաղաղություն:
Թշնամին մնացել է, գործում է, շարունակում է...
Մե՞նք.............

Ի՞նչ ենք հիշում...

ՑԵՂԱՍՊԱՆՈւԹՅՈւՆԸ հանցագործություն է մարդկության դեմ:
Հայոց ցեղասպանությունը՝ ԴԱԺԱՆ իրողություն. Հայ ազգի լիակատար ոչնչացման՝ հատուկ, ծրագրված ու համակարգված գործողություն.

ՓԱՍՏ՝ ցավոտ, կեղեքող, ու չսպիացած, քանի դեռ չի ստացել հատուցումը՝ ՃՇՄԱՐՏՈւԹՅԱՆ ճանաչման միջոցով:

...չէ, ոչ մի հայ չի ուզում անդադար ցավ ապրել, բայց որևէ հայ իր պատմության ճանաչումն է ուզում.

դու... ի՞նչ ես հիշում...

Չես կարող հրաժարվել Սրտիցդ՝ ինչ է թե խոցոտված է:
Պետք է ԲՈւԺԵԼ այդ Սիրտը, որ ապրի:

Ուղեղ, Արյուն, Սիրտ.
Հայաստան- Արցախ - Սփյուռք - Հայի Ամբողջությունն են... ԿԻՍԱՏված ենք հիմա( շատ կիսատ...
կիսատ Երկիրն Անհոգի մարմին է...

110 տարի առաջ էլ պառակտեցին հային, զինաթափեցին, ոգին կոտրեցին, դարձրին աստանդական... Հայրենազրկեցին...Մշակութասպաններն ու ազգասպանները ՑԵՂԱՍՊԱՆԵՑԻՆ մի ամբողջ ազգ, որն ընդամենը ուզում էր ԱՊՐԵԼ ...

ԲԱՑԱՌԵԼ Է պետք Ճշմարտության ՀԵՐՔՈւՄԸ:

Ես հավատում եմ Հավերժական ու ամբողջ Հայաստանին:
Էդ վառ կրակը մարդկանց սրտերում կա!
Վառվող աքերով Սերունդը կա !
ԿԱ !»,– գրել է Նազենին։