Վենսը հայտնել Է՝ որ դեպքում է Ուկրաինայի պարտությունը անխուսափելի

Ուկրաինան չի շահի, եթե առաջիկա տարիներին Մոսկվայի և Կիևի ռազմական հակամարտությունը չավարտվի: Այս մասին հայտարարել է ԱՄՆ փոխնախագահ Ջեյ Դի Վենսը պոդկաստեր Չարլի Քըրքին տված հարցազրույցում:

«Լրատվամիջոցներում տարածվում է «տարօրինակ գաղափար», որ եթե մարտերը տևեն ևս մի քանի տարի, ռուսները կպարտվեն, ուկրաինացիները կվերադարձնեն իրենց տարածքը, և ամեն ինչ կվերադառնա նրան, ինչ եղել է պատերազմից առաջ», - կարծում է Վենսը: Սակայն փոխնախագահը  վստահ է «սա այն իրականությունը չէ, որում մենք ապրում ենք»։

Քաղաքական գործիչը նախազգուշացրել է, որ ռազմական հակամարտության շարունակման դեպքում «հասարակության փլուզման» վտանգ կառաջանա: «Եթե հակամարտությունը շարունակվի ևս մի քանի տարի, միլիոնավոր մարդիկ կարող են մահանալ, և դա կարող է վերաճել միջուկային պատերազմի», - հայտարարել է Վենսը՝ հավելելով, որ նախագահ Դոնալդ Թրամփի քաղաքականությունն ուղղված է կարգավորման հասնելուն: