Միխայիլ Գալուստյանը 18 տարվա ամուսնական կյանքից հետո բաժանվել է կնոջից

Ռուսաստանցի հայազգի շոումեն Միխայիլ Գալուստյանը հայտարարել է կնոջից՝ Վիկտորիայից բաժանվելու մասին։ Նրանք ամուսնացած էին գրեթե 18 տարի և ունեցան երկու դուստր՝ Էստելլան և Էլինան։

Դերասանը շատերի համար անսպասելի նորությամբ կիսվել է Instagram-ում  ապրիլի 30-ին։

«Ընկերներ և բոլոր նրանք, ովքեր ճանաչում են մեր ընտանիքին։ Որոշ ժամանակ անց մենք անհրաժեշտ համարեցինք ձեզ ասել... Երբեմն կյանքը փոխում է իր սցենարները, և այնպես պատահեց, որ մեր համատեղ ճանապարհորդությունը անցյալ տարի ավարտվեց։ Մենք որոշեցինք գնալ ամենքս մեր ճանապարհով։ Մենք բաժանվեցինք առանց դժգոհության կամ բողոքների՝ երախտագիտության զգացումով մեր միջև եղած ամեն ինչի համար։ Մենք շնորհակալություն հայտնեցինք միմյանց միասին անցկացրած տարիների համար և շարունակում ենք լավ հարաբերություններ պահպանել։ Ամուսնալուծությունը վերջը չէ, այլ կյանքի նոր փուլ», - գրել է Գալուստյանը։

Նրա խոսքով՝ յուրաքանչյուր ավարտ ինչ-որ նոր բանի սկիզբ է։

«Մենք շարունակում ենք կյանքը՝ պահպանելով միմյանց նկատմամբ հարգանքը և լավ հիշողությունները։ Հրաժեշտը միշտ չէ, որ դառնության մասին է, այն նաև նոր հնարավորությունների և անձնական աճի։ Կյանքը լի է փոփոխություններով, և դրանցից յուրաքանչյուրը հնարավորություն է ինչ-որ նոր բանի համար։ Շնորհակալություն բոլոր նրանց, ովքեր մեր կողքին են, աջակցում են մեզ և հարգում են մեր որոշումը», - եզրափակել է իր գրառումը արտիստը։