Պնդում եմ, որ չեմ ստորացրել Տիգրան Տեր–Մարգարյանին, մեղքս չեմ ընդունել․ Մեսրոպ Մանուկյան
Ինձ քննչական մարմինը ներգրավել է որպես մեղադրյալ, բայց ես չեմ ընդունել իմ մեղքը։ Այս մասին լրագրողների հետ զրույցում ասել է Երևան քաղաքի ավագանու անդամ Մեսրոպ Մանուկյանը։
«Պնդում եմ, որ չեմ ստորացրել Տիգրան Տեր–Մարգարյանին, և քննչական մարմնին խնդրել եմ, որ եթե նա իրեն համարում է ստորացված՝ առերեսում լինի իմ և նրա միջև»,– ասել է Մանուկյանը։
Նա ընդգծել է, որ չի ընդունում ոչ մի մեղադրանք և ինքը չի ստորացրել Նոր Նորքի թաղապետին․ «Հրավիրում եմ ինձ հետ առերեսման»,– հավելել է ավագանու անդամը։
Հիշեցնենք, որ հանրային քրեական հետապնդում է հարուցվել Երևանի ավագանու «Մայր Հայաստան» խմբակցության անդամ Մեսրոպ Մանուկյանը:
Ապրիլի 29-ին Նոր Նորք վարչական շրջանի ղեկավարի աշխատակազմի վարչական շենքում տեղի ունեցած դեպքի առթիվ նախաձեռնված քրեական վարույթի շրջանակներում հանրային քրեական հետապնդում է հարուցվել 2 անձի նկատմամբ՝ Քրեական օրենսգրքի 297-րդ հոդվածի 2-րդ մասի 1-ին և 3-րդ կետերով (խուլիագանությունը, որը կատարվել է մի խումբ անձանց կողմից տեղեկատվական կամ հաղորդակցական տեխնոլոգիաներն օգտագործելով): Այդ մասին Ֆեյսբուքյան իր էջում գրել էր Քննչական կոմիտեի նախագահի մամուլի խոսնակ Կիմա Ավդալյանը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
