Պետդեպարտամենտը Ռուսաստանին և Ուկրաինային կոչ է արել գաղափարներ ներկայացնել հակամարտությունը դադարեցնելու համար

ԱՄՆ Պետդեպարտամենտի խոսնակ Թեմմի Բրյուսն ասել է, որ Վաշինգտոնը կարծում է՝ անհրաժեշտ է, որպեսզի ուկրաինական հակամարտության երկու կողմերն էլ առաջարկեն դրա լուծման կոնկրետ ծրագրեր: Այս մասին հայտնում է ՌԻԱ Նովոստին։

«Ժամանակն է, որ նրանք ներկայացնեն և մշակեն կոնկրետ գաղափարներ այն մասին, թե ինչպես կավարտվի այս հակամարտությունը», - ասել է Բրյուսը ճեպազրույցի ժամանակ՝ պատասխանելով խաղաղ կարգավորման հեռանկարների մասին հարցին։