Իրանը լիիրավ իրավունք ունի ունենալու միջուկային վառելիքի ամբողջական ցիկլ․ Արաղչի

Որպես միջուկային զենքի չտարածման մասին ստորագրող կողմերից մեկը՝ Իրանը լիիրավ իրավունք ունի ունենալու միջուկային վառելիքի ամբողջական ցիկլ: Այս մասին X սոցցանցում գրել է Իրանի ԱԳ նախարար Աբբաս Արաղչին։

«Ես ձեռնպահ եմ մնում բանակցությունների առանցքային տարրերի վերաբերյալ փաստարկները ԶԼՄ-ներում ներկայացնելուց։ Միայն ուզում եմ ասել, որ ստի կրկնությունը չի փոխի հիմնական փաստերը: Որպես միջուկային զենքի չտարածման մասին պայմանագիրը ստորագրած կողմերից մեկը՝ Իրանը լիիրավ իրավունք ունի ունենալու միջուկային վառելիքի ամբողջական ցիկլ», - նշել Է Իրանի ԱԳ նախարարը ։

Աբաս Արաքչին հիշեցրել է, որ Իրանից բացի այդ «ակումբի» մեջ են մտնում ասիական, եվրոպական և հարավամերիկյան մի քանի երկրներ: «Մաքսիմալիստական դիրքավորումը և հրահրող հռետորաբանությունը ոչ մի բանի չեն հանգեցնում, բացի հաջողության հավանականության նվազումից: Հուսալի և երկարաժամկետ համաձայնագիրը հասանելի է», - եզրափակել է նա։