Թրամփը գնահատել է ԱՄՆ-ում հնարավոր ռեցեսիայի հետևանքները

ԱՄՆ նախագահ Դոնալդ Թրամփը վստահություն է հայտնել ամերիկյան տնտեսության հնարավոր կարճաժամկետ ռեցեսիան հաղթահարելու կարողության նկատմամբ՝ ասելով, որ երկարաժամկետ հեռանկարում ամեն ինչ լավ կլինի։ Այս մասին պետության ղեկավարը խոսել է NBC News-ին տված հարցազրույցում։

«Իհարկե, ամեն ինչ կարող է պատահել, բայց ես հավատում եմ, որ մենք կունենանք այս երկրի պատմության մեջ ամենաուժեղ տնտեսությունը», - պատասխանել է Թրամփը՝ ի պատասխան անկման հեռանկարների վերաբերյալ հարցին։

Նա տնտեսության ներկայիս վիճակը բնութագրել է՝ որպես «անցումային շրջան»՝ ընդգծելով լավատեսական հեռանկարը և ցանկացած դժվարություն հաջողությամբ հաղթահարելու վստահությունը։