Եվրահանձնաժողովն առաջարկել է արգելել ռուսական գազի գնումը մինչև 2027 թվականը

Եվրահանձնաժողովն առաջարկում է մինչև 2027 թվականն արգելել ռուսական գազի գնումները։ Այս մասին հայտնում է Reuters-ը։

Գերատեսչության «ճանապարհային քարտեզը» ենթադրում է, որ ռուսական գազի ներկրման նոր գործարքների և սպոտ պայմանագրերի վրա արգելք կմտցվի մինչև 2025 թվականի վերջը։

Մինչև 2027 թվականի վերջ առաջարկվում է նաև գործող պայմանագրերով արգելել սովորական և հեղուկ բնական գազի ներմուծումը Ռուսաստանի Դաշնությունից։

Այս պահին, ինչպես հայտնում է Reuters-ը, Եվրահանձնաժողովի այս պլանները մնում են գաղտնի և ենթակա են փոփոխման։