Էս երկրում միակ մեղավորը «Քաղաքացիական պայմանագի՞րն» է․ Գեղամ Նազարյան

Կյանքը ցույց է տալիս, որ իրավիճակն այնպես է փոխվում, որ հայտնվում ես այստեղ կամ այնտեղ՝ հանուն պետության, հանուն ազգի։ Գիտեմ՝ հիմա ասելու են «Քաղաքացիական պայմանագրից» առաջարկ է ստացել։ Այս մասին լրագրողների հետ զրույցում ասաց ԱԺ պատգամավոր Գեղամ Նազարյանը՝ չբացառելով ՔՊ–ին միանալու հավանականությունը։

«Էս երկրում, էս աշխարհում միակ մեղավորը «Քաղաքացիական պայմանագի՞րն» է, բա՞ Արամ Սարգսյանը, բա՞ Հանրապետական կուսակցությունը... հեչ մեղավոր չե՞ն եղել»,– ասաց Նազարյանը՝ նշելով, որ «Փաշինյանի մեղքն այն է, որ կարող էր կանխել պատերազմը, բայց դա չարեց, և նա մեկ տարի առաջ ընդունեց դա»։