Սիրիայի նախագահը բասկետբոլ է խաղացել (տեսանյութ)

Սիրիայի նախագահ Ահմեդ ալ-Շարաան և արտգործնախարար Ասադ ալ-Շայբանին բասկետբոլ են խաղացել Դամասկոսի հրապարակներից մեկում: Այս մասին հայտնի է դարձել սոցցանցերում հայտնված տեսանյութի շնորհիվ, փոխանցում է Israel Hayom-ը։

«Երկու պաշտոնյաները ցուցադրել են դրիբլինգ, փոխանակվել փոխանցումներով և նետումներ կատարել զամբյուղի մեջ, իսկ նախագահ ալ-Շարաան կատարել է երեք միավորանոց նետում՝ ցուցադրելով արտասովոր մարզական հմտություններ», - ասվում է հրապարակման մեջ։

Պարբերականը նշում է, որ տեսանյութն արագորեն տարածվել է ամբողջ արաբական աշխարհում՝ առաջացնելով ամենատարբեր արձագանքներ։