Բախտներս բերեց՝ հարցի հնարավորություն ունեցանք, դահլիճից էլ չհեռացրեցիք

«Բախտներս բերեց, հարցի հնարավորություն ունեցանք, դահլիճից էլ չհեռացրեցիք»,- այս մասին ԱԺ-ի հարցուպատասխանի ընթացքում կես կատակ կես լուրջ ասաց ԱԺ «Հայաստան» խմբակցության պատգամավոր Գառնիկ Դանիելյանը։

 «Ես չեմ հասկանում,եկեք մյուս նիստին հավաքվեք, դուք՝ ձերոնցով հավաքվեք, մեկդ մյուսին ասեք՝ «մեծարգո», «ձերդ գերազանցություն», հարց տվեք, մի սպասեք, որ պատասխան տա, դուք էդ հարցին պատասխանեք, պրծեք, վերջացրեք, գնա։ Հիմա մենք եկել ենք ստեղ, հարցեր ենք բարձրացնում, որ պետք է ուշի ուշով կառավարությունը, կառավարության ղեկավարն ու անդամները լսեն, գրի առնեն իրանց մոտ, ասեն՝ հետամուտ կլինենք, տենանք՝ որտեղ  ի՞նչ է կատարվում, ի՞նչ կոռուպցիոն մեխանիզմներ կատարում, ի՞նչքան սխեմաներ կան։ Գործընկերուհիս հարց է տալիս, ասում եք՝ էս ի՞նչ հարցեր եք տալիս, բա բա ի՞նչ անենք, հարցեր չտա՞նք»,- վրդովված նշեց պատգամավորը։

Դանիելյանն այնուհետև անդրադարձավ սահմանազատման հետ կապված իր հարցին․ «   Հանդիպում եմ ունենում մեր սահմանամերձ շրջանների բնակիչների հետ։ Տավուշի ականապատման աշխատանքների հետ կապված մտահոգություններ են հայտնել, մասնավորապես, Ազատամուտ համայնքի հարակից շրջանների ականապատման և չափագրման աշխատանքների։ Հարցը հետևյալն է՝ ի՞նչ աշխատանքներ են կատարվում այդտեղ, այդ հատվածում, և արդյո՞ք դա կապ ունի սահմանազատման և սահմանագծման գործընթացի հետ»։

  Ի պատասխան Փաշինյանն ասաց ․ «Ազատամուտի մոտակայքում ի՞նչ ականազերծում կարող է տեղի ունենալ, ես դժվարանում եմ ասել։ Ուրիշ բան կարող եմ ձեզ ասել՝  գնացել էի Ոսկեպարի եկեղեցի և ինձ համար զարմանքով արձանագրեցի, որ հենց մուտքի մոտ որոշակի փշալարեր կան, և նաև մեր գործընկերներին ասացի, որ դա կարա սխալ տպավորություն թողնի, որ մենք էսքան ասում ենք, որ սահմանազատում էսպես է եղել, հիմա մուտքից 2 մ են կողմ փշալարեր են փռած։Եվ  պարզեցի, որ խնդիրն այն է, որ այդ հատվածում որոշակի ականային մտավախություններ կան։ Այնտեղ Պաշտպանության նախարարությունը և սահմանապահները փշալարով փակել են, որպեսզի եվս մեկ անգամ ականազերծման հետ կապված աշխատանքներ իրականացնեն»։

Փաշինյանի խոսքով՝ սահմանազատման աշխատանքներ կատարվելուց առաջ դրանց  մասին հայտարարում են ։