«Forbes»–ն անդրադարձել է Մոսկվայում կայացած առաջին էլիտար անշարժ գույքի ցուցահանդես-համաժողովին

«Forbes» ամսագիրը կրկին անդրադարձել է Մոսկվայի «Ararat Park Hyatt Moscow» հյուրանոցում կայացած առաջին անշարժ գույքի ցուցահանդես-համաժողովին, որին ներկայացվել էին Հայաստանի լավագույն նորակառույցները և հնարավորություն ստեղծել Ռուսաստանի բնակչությանը ներդրումներ կատարել Հայաստանում։ Այս մասին Ֆեյսբուքի իր էջում գրել է «Business Partners of Armenia» ընկերության ղեկավար Վրույր Փենեսյանը։

 

«Միջոցառումը անց էր կացվել ՌԴ-ում Հայաստանի դեսպանատան բարձր հովանու ներքո, որին նաև մասնակցել էր ՌԴ-ում Հայաստանի դեսպան՝ Գուրգեն Արսենյանը»,– նշել է նա։

«Մոսկվայում՝ «Ararat Park Hyatt Moscow» հյուրանոցում, տեղի է ունեցել Հայաստանի էլիտար անշարժ գույքի առաջին ցուցահանդեսը, որտեղ ներկայացվել են միջազգային չափանիշներին համապատասխանող պրեմիում և լյուքս դասի բնակելի համալիրներ։ Ցուցահանդեսում ներկայացված էին Kempinski, Pullman, Mövenpick, Novotel, Milano-Firenze և այլ համաշխարհային ապրանքանիշերի ներքո գտնվող օբյեկտներ, ինչն ընդգծում էր ներկայացված անշարժ գույքի բարձր մակարդակը։

Ցուցահանդեսի շրջանակներում նաև ներկայացվել է «Khakhamyan Heritage» կազմակերպության նոր, բարձրակարգ բնակելի համալիրը՝ «Amanoo Sarin»-ը։ Ցուացադրությունը կազմակերպվել էր «Business Partners of Armenia» ընկերության կողմից՝ Ռուսաստանում ՀՀ դեսպանատան աջակցությամբ։ Ցուցահանդեսի պաշտոնական հյուրն էր Ռուսաստանի Դաշնությունում Հայաստանի արտակարգ և լիազոր դեսպան Գուրգեն Արսենյանը»,– ասվում է հոդվածում։