Հայ ժողովրդի համար միակ բնական դաշնակիցը ռուս մեծ ժողովուրդն է. Շարմազանով
Քաղաքական
Հայաստանի Հանրապետական կուսակցության մամուլի քարտուղար Էդուարդ Շարմազանովը չի զարմանա, եթե մի օր Հայաստանի ներկա վարչապետ Նիկոլ Փաշինյանը հայկական ստորաբաժանում ուղարկի Ադրբեջան կամ Թուրքիա՝ տոնակատարության։ Դրա մասին նա հայտարարել է «Անմահ գունդ» երթի ժամանակ լրագրողների հետ զրույցում՝ պատասխանելով հարցին, թե ՀՀ զինված ուժերի ստորաբաժանումն այսօր չի մասնակցել Մոսկվայի Կարմիր հրապարակում Հաղթանակի զորահանդեսին, ի տարբերություն ադրբեջանական ստորաբաժանման։
«Ի՞նչ կապ ունի Նիկոլը հայոց հաղթական ոգու հետ։ Նա պարտության և կապիտուլյացիայի խորհրդանիշ է, և ցավալի է, որ նա այս օրը ներկայացնում է Հայաստանը», - նշել է Շարմազանովը։
Ադրբեջանի նախագահի՝ շքերթին չմասնակցելու մասին հարցրին ի պատասխան նա նշել է, որ դրա մասին թող ռուսական կողմը խոսի, ասելով, որ Ալիևը էյֆորիայի մեջ է Լեռնային Ղարաբաղի բռնազավթումից հետո, և սա հստակ քայլ է, որը ցույց է տալիս, որ Ադրբեջանը չի կարող լինել Ռուսաստանի դաշնակիցը, նա Թուրքիայի դաշնակիցն է։ Եվ ռուս պատգամավոր Զատուլինը հազար անգամ ճիշտ է, երբ ասում է, որ Ռուսաստանի ամենաարդյունավետ դաշնակիցը Հայաստանն է, և հակառակը: Ես կասեմ Նժդեհի խոսքով. հայ ժողովրդի համար միակ բնական դաշնակիցը ռուս մեծ ժողովուրդն է»,- եզրափակել է Շարմազանովը։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
