Բանկային խարդախությունների հիմնական դերակատարները ՀՀ-ից դուրս են. կան բացահայտված քրվարույթներ․ ՔԿ նախագահ
Իրավունք
Վերջին ժամանակաշրջանում բանկային խարդախությունների հետ կապված բազմաթիվ ահազանգեր և քրեական վարույթներ ունենք:
Այս մասին Ազգային ժողովում ասաց Քննչական կոմիտեի նախագահ Արթուր Պողոսյանը՝ պատասխանելով ԱԺ «Քաղաքացիական պայմանագիր» խմբակցության պատգամավոր Արուսյակ Մանավազյանի հարցին:
Ըստ ՔԿ ղեկավարի՝ բազմաթիվ են նաև բացահայտված քրեական վարույթները:
«Այն դեպքերով, որոնցով անձինք կամ հանցավոր խմբի անդամներից որոշ մասնակիցներ ՀՀ-ում են, մենք հիմնականում դրանց մասով ունենք լավ արդյունքներ, լավը՝ պայմանականորեն, այսինքն՝ քրեական հետապնդման ենթարկված անձինք ունենք և դատական հեռանկարի առումով ավարտված վարույթներ: Բայց այդ դեպքերի ուսումնասիրությունը ցույց է տալիս, որ հիմնական դերակատարները ՀՀ-ից դուրս են: Դերերի բաշխումն այնպես է, որ հիմնական դերակատարները ՀՀ-ից դուրս են»,- ասաց նա:
Վերջինիս խոսքով՝ եղել են նաև այլ պետություններում կատարված հանցագործություններ, որոնց դերակատարները ՀՀ քաղաքացիներն են: Համագործակցության արդյունքում ՀՀ ՔԿ-ն նման խումբ է բացահայտել:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
