Հարկատուին հերոս հռչակելու փոխարեն կանգնեք նրա կողքին և պայքարեք նրա իրավունքների համար․ Մարուքյան
Հասարակություն
«Լուսավոր Հայաստան» կուսակցության ղեկավար Էդմոն Մարուքյանը գրել է․
«Վրաստանի մաքսային գործընթացներում առաջացած խնդիրներով պայմանավորված, կոնյակագործները բողոքի ակցիա են իրականացնում ՀՀ-ում Վրաստանի դեսպանատան դիմաց՝ պահանջելով վերջ դնել հայ արտահանողների մեքենաները օրերով առանց պատճառի սահմանին պահելուն։
Տպավորություն կարող է ստեղծվել, թե ակցիայի մասնակիցները պարզապես ավտոնոմ մարդիկ են, հարկատու չեն, հավելյալ արժեք ստեղծող չեն, պետության քաղաքացի չեն ու բացարձակ զուրկ են պետությունից, որը կկարողանար և պարտավոր կլիներ պաշտպանել իրենց շահերը։
Ի՞նչով են զբաղված Էկոնոմիկայի նախարարությունում հարմարավետ տեղավորված, և այդ թվում՝ հենց այս մարդկանց վճարած հարկերից աշխատավարձ ստացող պաշտոնատար անձինք։
Ինչո՞վ են զբաղված անդադար տնտեսությունից խոսող խորհրդարանականները։
Հարկատուին հերոս հռչակելու փոխարեն, լավ կլիներ պարզապես կանգնեիք հարկատուի կողքին և պայքարեիք նրա իրավունքների համար, ի պաշտոնե պատշաճ կերպով ներկայացնեիք հարկատուին, որ նա էլ ստիպված չլիներ գնալ բարեկամ երկրի դեսպանատան դիմաց բողոքի ակցիա իրականացնելու։
Բոլոր ոլորտներն եք ձախողել՝ առանց բացառության…»։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
