ԱՄՆ-ում բյուրոկրատիայի հետ կապված իրավիճակը շատ ավելի վատ է, քան կարծում էի. Մասկ

ԱՄՆ կառավարության արդյունավետության դեպարտամենտի (DOGE) ղեկավար, միլիարդատեր Իլոն Մասկը The Washington Post-ին ասել է, որ երկրում բյուրոկրատիայի հետ կապված իրավիճակն ավելի վատ է, քան նա կարծում էր։

«Ես կարծում էի, որ խնդիրներ կան, բայց Կոլումբիայի շրջանում իրավիճակը բարելավելու փորձերը, մեղմ ասած, աներևակայելի դժվար խնդիր են», - ասել է գործարարը։

Մասկի խոսքով՝ DOGE-ը դառնում է «քավության նոխազ», քանի որ նրան մեղադրում են բոլոր խնդիրների՝ նույնիսկ իր գործունեության հետ կապ չունեցողների համար։ Ձեռնարկատերը խոստացել է կենտրոնանալ այն նախագծերի վրա, որոնք առավելագույն օգուտ կբերեն ներդրված ջանքերի համար, ինչը կնվազեցնի դաշնային ծախսերը և խարդախությունները։