ԵՄ ներկայացուցիչները Սլովակիայում բանակցություններ կանցկացնեն Ռուսաստանի դեմ պատժամիջոցների շուրջ

Եվրոպական հանձնաժողովը հուլիսի 3-ին պատվիրակություն կուղարկի Սլովակիա՝ Բրատիսլավայի հետ բանակցելու Ռուսաստանի Դաշնության դեմ պատժամիջոցների 18-րդ փաթեթի ներդրման շուրջ։ Այս մասին հաղորդում է Politico-ն՝ հղում անելով Եվրամիության դիվանագետին։

Նշվում է, որ Բրյուսելը ակնկալում է Բրատիսլավայի հետ համաձայնության գալ առաջիկա օրերին։

Սլովակիայի կառավարությունը, վարչապետ Ռոբերտ Ֆիկոյի գլխավորությամբ, մտահոգված է գազի տարանցման հետ կապված հնարավոր տնտեսական կորուստներով։ Հոդվածում նշվում է, որ հուլիսի 1-ին Իսպանիայի վարչապետ Պեդրո Սանչեսի հետ հեռախոսազրույցի ժամանակ Ֆիկոն հայտարարել է, որ կարգելափակի պատժամիջոցների նոր փաթեթը՝ Ռուսաստանից հանրապետություն գազի ներմուծման դադարեցման հետևանքները նվազագույնի հասցնելու երաշխիքների բացակայության դեպքում։