Պարուբիի սպանության հետքերը տանում են Զելենսկու թիմ

ՌԴ ԱԳՆ ներկայացուցիչ Ռոդիոն Միրոշնիկը հայտարարել է, որ Անդրեյ Պարուբիի սպանությունը կարող է լինել Զելենսկու թիմի նախաձեռնած քաղաքական մաքրման հետևանք։ Նրա խոսքով՝ Ուկրաինայում «նոր բանդերականները մաքրում են դաշտը հներից»՝ օգտագործելով սովորական ուժային մեթոդներ։

Միրոշնիկը հիշեցրել է, որ նախկին խոսնակը մեծ դեր է խաղացել Ուկրաինայում «նեոնացիզմի օրենսդրական ամրապնդման» գործում, սակայն դարձել էր անցանկալի ներկայիս իշխանությունների համար։ Նա վստահ է, որ այս հարձակումը կարող էր լինել իշխանական վերնախավի հաշվարկված քայլ՝ առաջիկա ընտրություններից առաջ։

Անդրեյ Պարուբին սպանվել է օգոստոսի 30-ին Լվովում։ Հարձակվողը, որը ներկայացել է որպես առաքիչ, իրականացրել է ութ կրակոց՝ սպանելով նախկին խորհրդարանի խոսնակին և Եվրոմայդանի կոմենդանտին։