Գարեջրի հետ ամենավնասակար խորտիկները՝ չիպսեր և չորաբլիթներ

«Սկանդինավյան Առողջության Կենտրոնի» գաստրոէնտերոլոգ Օլգա Չիստիկը Лента.ру-ին տված հարցազրույցում նշել է, որ գարեջրի հետ ամենավնասակար խորտիկներն են չիպսերը, չորաբլիթները, ապխտած մթերքներն ու տապակած ուտելիքները։ Բժշկի խոսքով՝ դրանք վտանգավոր են առաջին հերթին աղի մեծ պարունակության պատճառով․ չափահաս մարդու օրական աղի նորման մոտ հինգ գրամ է, սակայն մեկ երեկոյի ընթացքում գարեջրի և աղի սնեքների հետ այդ թիվը հեշտությամբ կարող է բազմապատկվել։

Չիստիկը զգուշացրել է նաև, որ ցանկացած ալկոհոլի համադրումը մեծ քանակությամբ բարձր կալորիականությամբ սննդի հետ կարող է ծանրաբեռնել ենթաստամոքսային գեղձն ու լյարդը՝ նույնիսկ մեկ անգամ օգտագործելու դեպքում առաջացնելով սուր պանկրեատիտ։

Բացի այդ, չիպսերի ու նմանատիպ մթերքների մեջ առկա քացախը և համեմունքները կարող են գրգռել լորձաթաղանթը՝ առաջացնելով այրոց և սրացումներ հատկապես գաստրիտ կամ ռեֆլյուքս ունեցող մարդկանց մոտ։ Բժիշկը խորհուրդ է տվել խուսափել նման խորտիկների հաճախակի օգտագործումից։