Եվրամիության երկրները զգալիորեն ավելացրել են իրենց պաշտպանական ծախսերը

2024 թվականին Եվրամիության երկրները 2023 թվականի համեմատ իրենց պաշտպանական ծախսերը մեծացրել են 19%-ով (ՀՆԱ-ի 1,9%-ը)՝ հասնելով 343 միլիարդ եվրոյի։ Այս մասին ասվում է Եվրոպական պաշտպանության գործակալության (EDA) տարեկան զեկույցում։

Նախնական տվյալները ցույց են տալիս, որ 2025 թվականին ԵՄ անդամ պետությունների պաշտպանական ծախսերը կարող են գերազանցել ՆԱՏՕ-ի ՀՆԱ-ի 2%-ը՝ հասնելով 392 միլիարդ եվրոյի, ասվում է փաստաթղթում։

Հունիսի 24-25-ը Հաագայում տեղի է ունեցել ՆԱՏՕ-ի գագաթնաժողովը, որտեղ կազմակերպության անդամ պետությունների ղեկավարները համաձայնել են պաշտպանական ծախսերը մեծացնել մինչև ՀՆԱ-ի 5%-ը։ Մամուլի ասուլիսում ՆԱՏՕ-ի գլխավոր քարտուղար Մարկ Ռյուտեն ընդգծել է, որ Հյուսիսատլանտյան դաշինքը պետք է վստահ լինի, որ կարող է պաշտպանվել ռուսական սպառնալիքից։ Ռյուտեի խոսքով՝ Արևմուտքը չպետք է «միամիտ լինի Ռուսաստանի նկատմամբ»։ Մայիսի 21-ին ԵՄ դեսպանները համաձայնության են եկել Եվրոպան ռազմականացնելու 150 միլիարդ եվրոյի ծրագրի շուրջ, որը առաջարկել էր Եվրահանձնաժողովի նախագահ Ուրսուլա ֆոն դեր Լեյենը։