Եվրոպան կտրուկ ավելացրել է հեղուկ գազի ներմուծումը՝ հասնելով ռեկորդային մակարդակների

Օգոստոսին Եվրոպան հեղուկ բնական գազի (ՀԲԳ) ներմուծումը նախորդ տարվա նույն ամսվա համեմատ աճեցրել է 33 տոկոսով՝ հասնելով մոտ 9,7 միլիարդ խորանարդ մետրի։ ТАСС-ի տվյալներով՝ հղում անելով Gas Infrastructure Europe-ի հաշվետվությանը, սա դարձել է ամենամեծ աճերից մեկը վերջին ամիսներին։

Չնայած հուլիսյան ռեկորդային ծավալների համեմատ ցուցանիշը նվազել է 15 տոկոսով, սակայն հունվար-օգոստոս ժամանակահատվածում ՀԲԳ ներմուծումը պահպանվել է պատմական բարձր մակարդակներում՝ տարեկան աճելով 24 տոկոսով և հասնելով 92,8 միլիարդ խորանարդ մետրի։ ENTSOG-ի տվյալներով՝ 2025 թվականի օգոստոսի վերջի դրությամբ Եվրոպայում սպառվող գազի 44,4 տոկոսը կազմել է հեղուկ գազը։

Ռուսաստանի ներմուծումների մասնաբաժինը չի նշվում, սակայն նախորդ ձմեռային սեզոնի տվյալներով՝ Ռուսաստանը ԵՄ-ում զբաղեցրել է երկրորդ տեղը՝ ավելացնելով մատակարարումները 2,5 տոկոսով և զիջելով միայն ԱՄՆ-ին։ Այդ ֆոնին Եվրահանձնաժողովի նախագահ Ուրսուլա ֆոն դեր Լյայենը հայտարարել էր ռուսական էներգակիրներից հրաժարվելու և ամերիկյան մատակարարումների ծավալները մեծացնելու մտադրության մասին։