Կա 3 հոսպիտալացված, տուժածներից մեկը վերակենդանացման բաժանմունքում է․ ԱՆ

Ամիրյան փողոցում տեղի ունեցած պայթյունից տուժած 3 անձ հոսպիտալացվել է, հայտնում է ՀՀ առողջապահության նախարարությունը:

 

«Տուժածներից մեկի առողջական վիճակը գնահատվում է ծանր, վերակենդանացման բաժանմունքում է: Մյուսի առողջական վիճակը` միջին ծանրության: Երրորդ քաղաքացին անցնում է համապատասխան հետազոտությունները, առողջական վիճակը գնահատվում է բավարար»,– ասված է հաղորդագրության մեջ:

ՆԳՆ Ոստիկանությունից հայտնում են, որ սեպտեմբերի 2-ին ժամը 14․43-ին ահազանգ է ստացվել, որ Ամիրյան փողոցում տրանսպորտային միջոց է պայթել։

Մեկնած կարգախմբերն ու օպերատիվ խմբերը պարզել են,որ պայթյունը տեղի է ունեցել Տոյոտա մակնիշի ավտոմեքենայում։