Ռուսաստանին փոխարինող չկա Բելառուսի համար. Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ Մինսկի համար որևէ երկիր չի կարող փոխարինել Ռուսաստանին։ Նրա խոսքերը հրապարակվել են «Пул Первого» Telegram-ալիքում։ Լուկաշենկոն ընդգծել է, որ Ռուսաստանի և Չինաստանի ջանքերի շնորհիվ Բելառուսը միակ եվրոպական պետությունն է, որը անդամակցում է Շանհայի համագործակցության կազմակերպությանը (ՇՀԿ)։

Նա շնորհակալություն է հայտնել ՌԴ նախագահին հրավերի համար՝ ընդգծելով, որ այս համագործակցությունը կարևոր է երկրի արտաքին քաղաքականության և անվտանգության համար։ «Դուք ինքներդ էլ հասկանում եք՝ Ռուսաստանին մեզ ոչ ոք չի կարող փոխարինել», — ասել է Լուկաշենկոն։

Հիշեցնենք, ՇՀԿ-ի շրջանակում Լուկաշենկոն անցկացրել է ավելի քան տասը ոչ պաշտոնական հանդիպում գործընկեր պետությունների ղեկավարների հետ։ Ըստ ԲելՏԱ գործակալության՝ քննարկումները վերաբերում էին տարածաշրջանային անվտանգությանն ու տնտեսական համագործակցության խորացմանը։