Թրամփը պատրաստվում է տեղափոխել Տիեզերական հրամանատարության շտաբը Ալաբամա՝ շրջանցելով Կոլորադոն

ԱՄՆ նախագահ Դոնալդ Թրամփի վարչակազմը պատրաստվում է հայտարարել, որ ԱՄՆ Տիեզերական հրամանատարության (Space Command) մշտական շտաբը Կոլորադո Սփրինգսից կտեղափոխվի Ալաբամայի Հանթսվիլ քաղաք։ Այս մասին Reuters-ին հայտնել են ԱՄՆ պաշտոնյաներ՝ ընդգծելով, որ որոշումը կարող է դառնալ քաղաքական պարգև այն նահանգին, որը երեք անգամ վստահել է իր ձայները Թրամփին։

Տեղաշարժը հակասում է Ջո Բայդենի վարչակազմի 2023 թվականի որոշմանը, որի համաձայն շտաբը պետք է մշտապես գործեր Կոլորադոյից։ Ներկայում հրամանատարությունը ժամանակավոր հիմունքներով տեղակայված է Պիթերսոնի տիեզերական ուժերի բազայում, իսկ շտաբի կազմում աշխատում է շուրջ 1,700 մարդ։ Տեղափոխման ծախսերը կարող են հասնել հարյուրավոր միլիոնավոր դոլարների և տևել մի քանի տարի։

Հանթսվիլը, որտեղ գտնվում է ՆԱՍԱ-ի Մարշալի տիեզերական կենտրոնը և գործում են Lockheed Martin-ի ու L3Harris-ի նման խոշոր պաշտպանական  պայմանագրային ընկերություններ, երկար տարիներ պայքարել է այս նախագծի համար։ Space Command-ը ստեղծվել է Թրամփի առաջին պաշտոնավարման տարիներին՝ պաշտպանելու ԱՄՆ արբանյակները և ղեկավարելու ռազմական գործողությունները տիեզերքում։