ԱԺ–ում վերանորոգման աշխատանքներ են ընթանում (լուսանկարներ)

ՀՀ Ազգային ժողովում վերանորոգման աշխատանքներ են ընթանում, հաղորդում է Euromedia24—ը։ 

Ավելի վաղ «Ժողովուրդ» օրաթերթը գրել էր, որ վերանորոգվում են Ոսկեզօծ դահլիճը, Փոքր դահլիճը եւ Փոքր դահլիճին կից նախասրահը։ Այս դահլիճների վերանորոգման համար վճարվել է շուրջ 50 մլն 988 հազար դրամ՝ գրեթե 133 հազար ԱՄՆ դոլար։ Այս գումարը ներառում է կատարողի կողմից իրականացվող բոլոր ծախսերը։

Ըստ պայմանագրի՝ «իրականացվել է հաճարե մանրահատակի մաքրում, հղկում՝ ձեռքի էլեկտրական գործիքով, նաեւ նույն հատակի ներկում ջրասոսնձաէմուլսիոն նյութով: Կատարվել է կախովի առաստաղի մոնտաժում, ներկում, 4 փայտե շրջանակով պատուհանների կազմաքանդում, նույնի վերանորոգում եւ վերատեղադրում ու այլ աշխատանքներ»։