Թրամփը հրաժարվել է նվազեցնել Հնդկաստանի նկատմամբ մաքսատուրքերը
ԱՄՆ
Միացյալ Նահանգները մտադիր չէ մեղմացնել Հնդկաստանի նկատմամբ իր սակագնային քաղաքականությունը կամ նվազեցնել երկրի վրա դրված մաքսատուրքերը։ Այս մասին հայտարարել է ԱՄՆ նախագահ Դոնալդ Թրամփը Օվալաձև աշխատասենյակում կայացած ճեպազրույցի ժամանակ։
«Ոչ», - ասել է ամերիկացի առաջնորդը՝ պատասխանելով լրագրողի՝ մաքսատուրքերի հնարավոր կրճատման մասին հարցին։
Օգոստոսի 27-ին ուժի մեջ են մտել ԱՄՆ նախագահ Դոնալդ Թրամփի վարչակազմի կողմից Հնդկաստանի նկատմամբ սահմանված 50% մաքսատուրքերը ռուսական նավթի գնումները դադարեցնելուց հրաժարվելու համար։ Ըստ The Guardian-ի, մաքսատուրքերը կվերաբերեն այնպիսի ապրանքների, ինչպիսիք են հագուստը, տեքստիլը, թանկարժեք քարերը, կոշիկը, կահույքը և այլն։
Միևնույն ժամանակ, բացառություններ են արվել մի շարք ապրանքների համար։ Մասնավորապես, վառելիքը, էլեկտրոնիկան և որոշ դեղամիջոցներ ազատված են մաքսատուրքերից. դրանք կազմում են Հնդկաստանի ԱՄՆ արտահանման մոտ 30%-ը։
Bloomberg-ի տվյալներով՝ սեպտեմբերի 8-ին BRICS երկրները հանդիպում կանցկացնեն՝ նվիրված ԱՄՆ նախագահ Դոնալդ Թրամփի առևտրային քաղաքականությանը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
