Թրամփը հանձնարարել է Պենտագոնին պատրաստվել Ռուսաստանի և Չինաստանի զսպման քաղաքականությանը

ԱՄՆ նախագահ Դոնալդ Թրամփը Պենտագոնին հանձնարարել է մշակել ռազմավարություն՝ ուղղված Ռուսաստանի և Չինաստանի զսպմանը։ Պաշտպանության նախարար Պիտ Հեգսեթը Fox News-ին տված հարցազրույցում հայտարարեց, որ նախորդ վարչակազմի «թուլությունը» նպաստել է Մոսկվայի և Պեկինի մերձեցմանը՝ ընդգծելով, որ Վաշինգտոնը նպատակ ունի վերականգնել բանակի կարողությունները և ամերիկյան առաջնորդությունը։

Հեգսեթը պարզաբանել է, որ խոսքը ԱՄՆ-ի ռազմական պատրաստության մասին է, այլ ոչ թե ուղղակի հակամարտության նախապատրաստման։ Նրա խոսքով՝ ուժեղ պաշտպանունակությունը հենց այն գործիքն է, որը կանխում է պատերազմները և ապահովում անվտանգությունը։

Նախարարն ավելի վաղ ևս նշել էր, որ Վաշինգտոնը չի ցանկանում ռազմական բախում Ռուսաստանի կամ Չինաստանի հետ, ընդգծելով, որ ռազմական ցուցադրությունները չպետք է վերածվեն իրական հակամարտության, հայտնում է Лента.ру-ն։