Կրթաթոշակների տրամադրման մրցույթ՝ Ճապոնիայի համալսարաններում ուսանելու նպատակով
Հասարակություն
«Ճապոնիայի 2026 ֆիսկալ տարի․ կայուն զարգացման նպատակների համաշխարհային առաջնորդ» (SDGs Global Leader JFY 2026) խորագրով ծրագրի շրջանակում հայտարարվում է կրթաթոշակների տրամադրման մրցույթ՝ Ճապոնիայի համալսարանների մագիստրատուրայում և ասպիրանտուրայում (Ph.D.) ուսանելու նպատակով: Այս մասին տեղեկացնում են ԿԳՄՍՆ-ից:
Ծրագիրը նախատեսված է պետական պաշտոնյաների և ակադեմիական ոլորտի ներկայացուցիչների համար, որոնք կնպաստեն Հայաստանում քաղաքականության մշակման կամ իրագործման գործընթացի բարելավմանը՝ կայուն զարգացման խնդիրներ լուծելու և սոցիալ-տնտեսական զարգացումը խթանելու հեռանկարով։ Ուսման շրջանակում հետազոտական աշխատանքը ևս պետք է առնչվի կառավարության՝ կայուն զարգացման քաղաքականության բարելավմանը նպաստող թեմաներին։
Մագիստրատուրայի ծրագրին կարող են դիմել մինչև 35 տարեկան (2026 թ․ ապրիլի 1-ի դրությամբ) անձինք, որոնք ունեն բակալավրի կամ մագիստրոսի աստիճան։
Ասպիրանտուրայի ծրագրին կարող են դիմել մինչև 40 տարեկան (2026 թ․ ապրիլի 1-ի դրությամբ) անձինք, որոնք ունեն մագիստրոսի աստիճան։
«Թեկնածուներն ընտրվելու են ՃՄՀԳ-ի կողմից, այնուհետև վերջիններս հանձնելու են ընդունելության քննություններ՝ ըստ համալսարանների պահանջների (տրամադրված ցանկից թեկնածուները կարող են ընտրել 3 համալսարան)։ Ծրագրի հետ կապված ծախսերի մեծ մասը հոգալու է ճապոնական կողմը։
Ծրագրով հետաքրքրված անձինք կարող են մինչև հոկտեմբերի 15-ը՝ [email protected] էլեկտրոնային հասցեին ուղարկելով լրացված հայտադիմումները և փաստաթղթերի ամբողջական փաթեթը:
Լրացուցիչ հարցերի դեպքում կարող եք զանգահարել +374 10 568805, +374 77 710760 հեռախոսահամարներով (ՃՄՀԳ խորհրդատու Ռուզան Խոջիկյան, հասցե՝ 25/14-4 Նալբանդյան փողոց, Երևան)»,- ասված է հաղորդագրությունում:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
