Ադրբեջանցի բլոգեր Հուսեյն Հասանովը կորցրել է իր ողջ բիզնեսը Ռուսաստանում

Ռուսաստանից հեռացած ադրբեջանցի բլոգեր Հուսեյն Հասանովը կորցրել է իր վերջին բիզնեսը Ռուսաստանում, հաղորդում են ռուսական տելեգրամյան ալիքները։

Ավելի վաղ ՌԴ Դաշնային հարկային ծառայությունը փակել էին նրա «Բանդա Ֆուդս» ընկերությունը, որը բացվել էր 2023 թավականին։ Ընկերությունն արտադրում էր ռոլեր, սակայն նախագիծը ձախողվեց, Հասանովի գործընկերները՝ փաթեթավորման մատակարարները և առաքման ծառայությունները, ստիպված եղան դիմել դատարան։ Պարտքի չափը կազմում էր մոտ 800 հազար ռուբլի։

Ռուսաստանի հարկային մարմինները լուծարել էին նաև «Բանդա» ընկերությունը, որի միջոցով Հասանովը վաճառում էր առցանց դասընթացներ։

Մայիսին Հասանովի նկատմամբ միջազգային հետախուզում հայտարարվեց՝ «170 միլիոն ռուբլու չափով հարկերից խուսափելու և փողերի լվացման» մեղադրանքով։