ԵՄ-ն լիովին աջակցում է Հայաստանի և Ադրբեջանի միջև հարաբերությունների կարգավորման գործընթացին․ հայտարարություն

ԵՄ հայտարարությունը՝ Հայաստան-Ադրբեջան խաղաղության պայմանագրի նախաստորագրման վերաբերյալ.

«Մենք ողջունում ենք օգոստոսի 8-ին Սպիտակ տանը վարչապետ Փաշինյանի և նախագահ Ալիևի կողմից նախագահ Թրամփի ներկայությամբ Հայաստանի և Ադրբեջանի միջև ձեռք բերված համաձայնագիրը, որը նշանակալի առաջընթաց է երկարատև հակամարտության դադարեցման գործում: Այժմ կարևոր է ապահովել համաձայնեցված քայլերի ժամանակին իրականացումը, մասնավորապես՝ խաղաղության պայմանագրի ստորագրումը և վավերացումը։ Անցյալ տարվա մարտին Հայաստանի և Ադրբեջանի միջև խաղաղության համաձայնագրի տեքստի շուրջ երկկողմ բանակցությունների ավարտից հետո, սա կարևոր և վճռական քայլ է Հայաստանի և Ադրբեջանի միջև հարաբերությունների լիակատար կարգավորման ուղղությամբ՝ հիմնված միմյանց ինքնիշխանության, տարածքային ամբողջականության և սահմանների անձեռնմխելիության փոխադարձ ճանաչման վրա, համաձայն 1991 թվականի Ալմա-Աթայի հռչակագրի։

Համաձայնեցված քայլերի իրականացումը, ինչպես սպասվում է, դրական ազդեցություն կունենա տարածաշրջանի ընդհանուր խաղաղ զարգացման վրա և կօգնի հակամարտությունների ժառանգությամբ բաժանված հասարակություններին մոտենալ կայուն խաղաղության և համատեղ բարգավաճման։ Մենք նշում ենք, որ այս կարևոր ընթացքը շարունակվում է, այդ թվում՝ գլխավոր քարտուղար Բերսեթի վերահաստատման միջոցով, որ Եվրոպայի խորհուրդը պատրաստ է աջակցել Հայաստանին և Ադրբեջանին, երբ նրանք շրջում են իրենց ընդհանուր պատմության այս էջը։ ԵՄ-ն լիովին աջակցում է Հայաստանի և Ադրբեջանի միջև հարաբերությունների կարգավորման գործընթացին և տարիներ շարունակ աշխատել է երկու կողմերի և մեր միջազգային գործընկերների հետ՝ երկարատև խաղաղության համար պայմաններ ստեղծելու համար։

Մենք նախկինի նման պատրաստ են համագործակցել գործընկերների հետ ՝ լիակատար կարգավորման հասնելու համար, տրամադրելով լրացուցիչ աջակցություն և փորձագիտություն, այդ թվում՝ հետագա քայլերի գործնական իրականացման համար։ Այս հայտարարությանը միանում են հետևյալ երկրները ՝ Ալբանիա, Անդորրա, Բոսնիա և Հերցեգովինա, Վրաստան, Իսլանդիա, Լիխտենշտեյն, Մոնակո, Մոլդովա, Չեռնոգորիա, Նորվեգիա, Հյուսիսային Մակեդոնիա, Սան Մարինո, Սերբիա, Ուկրաինա, Միացյալ Թագավորություն»։