«Հարցագո՞րծ եք բռնել»․ քաղաքապետերանի աշխատակիցները 100-200 հազար դրամով տուգանեցին քաղաքացուն
Հասարակություն
Երևանի քաղաքապետարանի հասարակական կարգի պահպանության վարչությունը շրջայց է իրականացնում Երևանի Կենտրոն վարչական շրջանում։
Քաղաքապետարանի աշխատակազմի հասարակական կարգի պահպանության ծառայության պետի պաշտոնակատար Ավետ Բաբայանը մոտեցավ մի մեքենայի, որի վրա տուրիստական գովազդ էր փակցված եւ հարցրեց, թե արդյոք ունի թույլտվություն նման գովազդ տեղադրելու համար։ Ավտոմեքենայի սեփականատերը նշեց, որ նախկինում ավելի մեծ պաստառներ են եղել, հետո քաղաքապետարանից ասել են, որ չպետք է գերազանցի սահմանված չափի, իրենք էլ փոքրացրել են չափերը։
Վարչության աշխատակիցները նրան տուգանեցին 100-200 հազար դրամի չափով՝ նշելով, որ ո՛չ պաստառի չափը, ո՛չ պաստառը կպցնելու տեղը չեն համապատասխանում օրենքով նախատեսվածին։
«Տղերք ջան, ես մեր երկիրն եմ գովազդում, նախորդ անգամ 100 հազար տուգանեցին, որ գովազդը մեծ էր։ Հասկացա, հիմա արդեն փոքր է։ Սա սեզոնային, ժամանակավոր բան է, ամեն մեկս մի բանով զբաղվում ենք։ Թափառող զբոսաշրջիկին շահագրգռում ենք, ցույց ենք տալիս մեր երկիրը, որոշակի գումար ենք վաստակում, գույքահարկ ենք վճարում։ Հարցագո՞րծ եք բռնել»,- վարչության աշխատակիցներին ասաց քաղաքացին։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
