Որևէ փաստական տվյալ ձեռք չի բերվել, որ Խոյի համայնքապետը ներգրավված է եղել․ ՆԳ նախարարը՝ երեկ տեղի ունեցած ծեծկռտուքի մասին

ՆԳ նախարար Արփինե Սարգսյանն անդրադարձել է մամուլում տարածված տեղեկությանը, որ Խոյ համայնքի ղեկավար Լյուդվիկ Յայլոյանի և նրա եղբոր մասնակցությամբ երեկ ծեծկռտուք է տեղի ունեցել։

«Խոյի համայնքապետի մասով երեկ պաշտոնական տեղեկատվություն ենք տարածել առ այն, որ մինչ այդ պահը տեսախցիկների զննությամբ, հարցաքննված անձնաց հարցաքննությունների ուսումնասիրության հաշվառմամբ որևէ փաստական տվյալ ձեռք չի բերվել, որ համայնքապետը որևէ պրոցեսում ներգրավված է եղել։ Հետագա վարույթի արդյունքները ՀՀ ՔԿ–ն վստահաբար կիրազեկի»,– ասաց ՆԳ նախարարը։

Նա կոչ արեց վստահել պաշտոնական տեղեկատվությանը, որովհետև «կա վարույթ, մենք հենվում ենք վարույթով ձեռք բերված ապացույցների վրա»․ «Իհարկե, եղել է միջադեպը, որի արդյունքում ունենք ձերբակալվածներ»,– հավելեց Սարգսյանը։