Ամիրյան փողոցում մեքենայի պայթյունի գործով տուժող է ճանաչվել 3 անձ

Ամիրյան փողոցում սեպտեմբերի 2-ին մեքենայի պայթյունի փաստով նախաձեռնվել է քրեական վարույթ։

Panorama.am-ին ՔԿ-ից հայտնեցին, որ   քրեական վարույթ է նախաձեռնվել Քրեական օրենսգրքի 345-րդ հոդվածի 1-ին մասով (տրանսպորտային միջոցները կամ տրանսպորտային ենթակառուցվածքներն անորակ վերանորոգելը կամ տեխնիկական անսարքությամբ շահագործման բաց թողնելը։

Նախաքննության ընթացքում տուժող է ճանաչվել 3 անձ։ Նշանակվել են համապատասխան փորձաքննություններ։ Կատարվում է նախաքննություն։

Հիշեցնենք, որ պայթյունի հետևանքով վնասվել են նաև կանգառում կանգնած թիվ 58 երթուղին սպասարկող ավտոբուսը, ինչպես նաև այլ մեքենաներ։ Դրա հետևանքով հիվանդանոց էր տեղափոխվել երեք մարդ։