ԱՄՆ-ն կապ չունի Դոհայի ուղղությամբ Իսրայելական հարվածների հետ․ Al Arabiya
ԱՄՆ
ԱՄՆ-ի պաշտոնատար անձինք հայտարարել են` Վաշինգտոնը կապ չունի Կատարում ՀԱՄԱՍ-ի ներկայացուցիչներին Իսրայելի հասցրած հարվածի հետ, չնայած իսրայելական ԶԼՄ-ների հաղորդագրություններին, որ ԱՄՆ-ն «կանաչ լույս» է տվել այդ գործողությանը, գրում է Al Arabiya-ն:
«ԱՄՆ Զինված ուժերը չեն մասնակցել հարվածներին», - ասել է ամերիկացի պաշտոնյաներից մեկը: Իրավիճակին ծանոթ աղբյուրը հավելել է՝ Իսրայելը հարձակումից անմիջապես առաջ նախապես տեղեկացրել է Վաշինգտոնին, սակայն պլանավորումը չի համաձայնեցվել:
ԱՄՆ երկու պաշտոնյաներ նույնպես հայտարարել են՝ ԱՄՆ-ն չի համակարգել իր գործողությունները Իսրայելի հետ: Իսրայելի վարչապետ Բենյամին Նեթանյահուն հայտարարել է՝ հարվածը «լիովին անկախ իսրայելական գործողություն էր»՝ հավելելով. «Իսրայելն նախաձեռնել է այն, Իսրայելն է իրականացրել, և Իսրայելն է կրում ամբողջ պատասխանատվությունը»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
