«Ինչքան սենց բաներ անեք, մենք ավելի կհզորանանք». Վարդան Ղուկասյանը՝ որդու ձերբակալության մասին

Գյումրիում պարտությունը էդքան ցա՞վ է պատճառել։ Արցախը տվեցիք, էդքան չեք խառնվել իրար, էս Գյումրու քաղաքապետարանի համար էս ինչ ոռնոց եք դրել։ Ինչի՞, էստեղից շատ ատկադ էիք տանում։ Այս մասին հրավիրված ասուլիսում ասաց Գյումրիի քաղաքապետ Վարդան Ղուկասյանը՝ անդրադառնալով որդու ձերբակալությանը։

Նրա խոսքով` սա իրեն վախեցնելու, լռեցնելու միջոց է. «Ուրիշ ի՞նչ պետք է լինի»։

Հարցին, թե իր պաշտոնն են ուզում այսպես խլել, քաղաքապետը պատասխանել է. «Հավանական է, բա ինչի՞ են խառնվել իրար»:

«Ինչքան սենց բաներ անեք, մենք ավելի կհզորանանք: Բռնել տալով երկիր չեն պահում, պատին ծեփելով, ասֆալտին փռելով, դրանով մարդկանց հանում ես քո դեմ»,- նշել է Ղուկասյանը՝ վստահեցնելով, որ օրինական ճանապարհով պայքարելու է։

Վարդան Ղուկասյանը նաև հայտնել է, որ որդու նկատմամբ քրեական գործը 24 քմ խիբարի հետ է կապված, որը քաղաքապետարանում որպես գույք նստած չի եղել։  «Անցած անգամ էլ տարան 2 ամիս կալանքի, հետո 7 ամսի պահեցին արդարացրին, թողեցին, հետո էլի բռնեցին, արդարացրեցին, թողեցին։ Քանի՞ անգամ կարան էս տղուն տանեն-բերեն»,– նշել է նա։