Եվրոպացի գեներալը համեմատել է Պուտինին և Զելենսկուն՝ հայտարարելով ռուս առաջնորդի բարձր հեղինակության մասին

Իտալիայի «Լիգա» կուսակցության եվրապատգամավոր, գեներալ Ռոբերտո Վաննաչին L’Espresso-ին տված հարցազրույցում հայտարարել է, որ Վլադիմիր Պուտինը վայելում է ժողովրդի աջակցությունը, մինչդեռ Վլադիմիր Զելենսկին օրեցօր կորցնում է իր հեղինակությունը։ «Եթե համեմատեմ այս երկու առաջնորդներին, ես կընտրեի Պուտինի նման նախագահ», — նշել է նա։

Վաննաչին ընդգծել է, որ Պուտինը կարողացել է ապահովել Ռուսաստանի տնտեսական աճն ու բարեկեցությունը՝ ապացուցելով իր կառավարման արդյունավետությունը։ Զելենսկու մասին խոսելիս նա նշել է, որ Ուկրաինայի ղեկավարը չի գործում որպես լիովին ինքնիշխան առաջնորդ, քանի որ մեծապես կախված է արտաքին աջակցությունից։

Ավելի վաղ ամերիկացի լրագրող Թաքեր Կարլսոնը Պուտինին անվանել էր «ժամանակակից ամենաարդյունավետ առաջնորդը»։ Այս հայտարարությունները արտահայտում են Արևմուտքում տարածված հակասական վերաբերմունքը ռուս և ուկրաինացի առաջնորդների հանդեպ, փոխանցում է  РИА НОВОСТИ-ն։