Հայտնաբերվել է ձեր ընդհանուր առողջությունը ստուգելու արագ միջոց

Մեծ Բրիտանիայի Ազգային առողջապահական ծառայության ինտեգրված մոտեցումների տնօրեն Սելինա Լիմը Metro-ին ասել է, որ 60 տարեկանից բարձր տարիքում մեկ ոտքի վրա առանց հենարանի 30 վայրկյան կանգնելու ունակությունը կարող է վկայել լավ ֆիզիկական առողջության մասին։

Մասնագետի խոսքով՝ մարմնի ծերացմանը զուգընթաց հավասարակշռությունը առաջիններից մեկն է նվազում։

«65 տարեկանից հետո շատ մարդիկ դժվարանում են պահպանել հավասարակշռությունը նույնիսկ մի քանի վայրկյան, և դա կապված է ընկնելու ռիսկի աճի, անկախության կորստի և մահացության աճի հետ», - նշել է Լիմը։

Սա ստուգելու համար մասնագետը խնդրել է մարդկանց ձեռքերը դնել ազդրերի վրա և կանգնել մեկ ոտքի վրա։ Մեծ Բրիտանիայի Ազգային առողջապահական ծառայության տվյալներով՝ 18-ից 39 տարեկան միջին մարդը կարող է այս դիրքը պահել 43 վայրկյան, 40-49 տարեկանը՝ 40 վայրկյան, իսկ 50-59 տարեկանները՝ 37 վայրկյան։ Այս ցուցանիշը նվազում է մինչև 30 վայրկյան 60-69 տարեկանների համար, 18 վայրկյան՝ 70-79 տարեկանների համար, և հինգ վայրկյան՝ 80 տարեկանից հետո։

Լիմը բացատրեց, որ այս դիրքում կայունությունը կախված է մկանների ուժից, նյարդային համակարգի վիճակից և ընդհանուր ֆիզիկական ակտիվության մակարդակից։ Եթե հավասարակշռությունը վատ է, սա կարող է պատճառ լինել ֆիզիկական պատրաստվածությանը լրացուցիչ ուշադրություն դարձնելու համար։ Մասնագետը նաև խորհուրդ է տվել կանոնավոր կերպով մարզվել հավասարակշռության պահպանման համար և պահպանել ֆիզիկական ակտիվությունը՝ տարիքային ռիսկերը նվազեցնելու համար։

Թարգմանությունը՝ Lurer.com-ի