Հունգարիան դեմ է ԵՄ սահմանափակումներին ռուսական նավթի մատակարարման հարցում. Սիյյարտո

Հունգարիան չի աջակցում Եվրոպական միության նախաձեռնություններին՝ սահմանափակելու Ռուսաստանի նավթի մատակարարումները։ Այս մասին հայտարարել է երկրի արտաքին գործերի նախարար Պետեր Սիյյարտոն, փոխանցում է ՏԱՍՍ-ը։

Նախարարի խոսքով՝ առանց ռուսական նավթի Հունգարիայի համար անհնար է ապահովել կայուն էներգամատակարարում։ Նա ընդգծել է, որ Բուդապեշտը չի կարող համաձայնել «Դրուժբա» նավթամուղով մատակարարումների սահմանափակմանը, քանի որ դա վտանգի տակ կդնի երկրի էներգետիկ անվտանգությունը։

Ավելի վաղ Սիյյարտոն քննադատել էր նաև ՆԱՏՕ-ի մի շարք անդամների՝ Ռուսաստանի նկատմամբ ավելի ագրեսիվ քաղաքականության կոչերը՝ զգուշացնելով, որ նման քայլերը կարող են հանգեցնել վտանգավոր սրացման։