Պուգաչովան հրապարակայնորեն վիրավորում էր Կիրկորովին. Սոսեդով

Երաժշտական քննադատ Սերգեյ Սոսեդովը մեկնաբանել է Ալլա Պուգաչովայի և Ֆիլիպ Կիրկորովի հարաբերությունները՝ անդրադառնալով երգչուհու վերջին աղմկահարույց հարցազրույցին «Скажи Гордеевой» նախագծում։ Նրա խոսքերը մեջբերում է Teleprogramma-ն։

Կրիտիկը նշել է, որ չի դիտել հարցազրույցը՝ անվանելով Պուգաչովային «կեղծ ու կեղծավոր» մարդ։ Սոսեդովի խոսքով՝ վաղուց հայտնի էր, որ երգչուհու և Կիրկորովի ամուսնությունը ձևական բնույթ էր կրում, իսկ համատեղ կյանքի ընթացքում Պուգաչովան հաճախ էր հրապարակայնորեն վիրավորում ամուսնուն։ «Ալլան միշտ նրան վիրավորում էր, բացասական և երբեմն նույնիսկ անպարկեշտ նկատողություններ էր անում։ Ֆիլիպն այդ ամենը լուռ տանում էր», — ասել է նա։

Քննադատը հավելել է, որ Պուգաչովայի համար Կիրկորովի հետ պսակադրությունը «կոպիտ սխալ» էր։ Ավելի վաղ Պուգաչովան ինքն էր խոստովանել, որ ամուսնացել է Կիրկորովի հետ նրա մոր խնդրանքով՝ նպատակ ունենալով երեք տարի անց աջակցել նրա կարիերային և հետո բաժանվել։ Երգչուհին բացատրել էր, որ դա հասարակության ուշադրությունը Կիրկորովի վրա կենտրոնացնելու ամենաարդյունավետ միջոցն էր։