Իմ բոլոր գործիքակազմերով կհասնեմ նրան, որ հայ–թուրքական սահմանը բացվի․ Պապոյան

Մեր երկրի համար ռիսկ են ներկայացրել և ներկայացնելու են փակ սահմանները, որովհետև Թուրքիան և Ադրբեջանը ՀՀ–ի հետ սահմանները փակել են, որպեսզի ՀՀ–ին տնտեսապես չեզոքացնեն, և իրենք իրենց խնդիրները կարողանան լուծել հեշտությամբ։

Այս մասին ԱԺ տարածաշրջանային և եվրասիական ինտեգրման հարցերի մշտական հանձնաժողովի նիստում ասել է Էկոնոմիկայի նախարար Գևորգ Պապոյանն՝ անդրադառնալով հայ–թուրքական սահմանի բացման տնտեսական հետևանքների վերաբերյալ թեմային։

«Իրենք իրենց խնդիրները լուծել են։ Եթե ուզում ենք շարունակել նույն ձևով և վերջնականապես կործանել մեր պետությունը, ես դա թույլ չեմ տա։ Իմ բոլոր գործիքակազմերով կհասնեմ նրան, որ հայ–թուրքական սահմանը բացվի, և այս պետությունը զարգանա, որովհետև այն, ինչ արվել է այդ քաղաքականությամբ, բերել է այս վիճակին»,– նշել է նա։