Bloomberg․ Apple-ը կթողարկի խելացի ակնոցներ՝ հրաժարվելով էժան Vision Pro-ից

Apple-ը արագացրել է խելացի ակնոցների նախագծումը՝ հրաժարվելով Vision Pro սաղավարտի էժան տարբերակից, հայտնում է Bloomberg-ը՝ հղում կատարելով իր աղբյուրներին։ Սկզբում նախատեսվում էր ներկայացնել ավելի մատչելի տարբերակ՝ 3500 դոլարանոց (մոտ 284 հազար ռուբլի) վիրտուալ և հավելյալ իրականության սարքին, սակայն ընկերությունը փոխեց ուղղությունը։

Նոր սմարթ-ակնոցները կստանան տեսախցիկներ լուսանկարների և տեսագրության համար, միկրոֆոններ հեռախոսազանգերի համար և արհեստական ինտելեկտի (ԱԻ) գործառույթներ։ Apple-ում դեռ 2018-ին էին մտածում նման ակնոցների մասին, բայց ծրագիրը դադարեցվել էր։

Ընկերությունն այժմ համոզված է, որ խելացի ակնոցները կարող են դառնալ ոչ միայն տեխնոլոգիական, այլև նորաձև աքսեսուար՝ առաջարկելով տարբեր ոճերի շրջանակներ և ոսպնյակներ։ Գաջեթի հիմնական մրցակիցները լինելու են Meta-ի և Ray-Ban-ի ակնոցները, որոնք արդեն մի քանի մոդել են ներկայացրել։ Apple-ի նոր արտադրանքի թողարկման ժամկետը դեռ չի հայտարարվել։