Ժան-Պոլ Պալոմերոն զգուշացրեց ՆԱՏՕ-ին՝ չհարվածել ռուսական ինքնաթիռներին

ՆԱՏՕ-ի նախկին գլխավոր հրամանատար Ժան-Պոլ Պալոմերոն Newsweek-ին տված հարցազրույցում նախազգուշացրել է դաշինքին՝ զերծ մնալ ռուսական ինքնաթիռներին հարվածելու քայլերից։ «ՆԱՏՕ-ն պետք է պատրաստ լինի գործել, բայց չպետք է արձագանքի չափազանց կտրուկ», — նշել է նա։

Պալոմերոյի խոսքով՝ դաշինքը պարտավոր է ցուցադրել ուժ, օրինակ՝ ցանկացած օդային տարածքի խախտման դեպքում արագ բարձրացնել կործանիչներ, սակայն չպետք է դիմել հարձակման։ «Ամենամեծ խնդիրը ՆԱՏՕ-ի համար ինքնատիրապետումը պահելն է», — ընդգծել է նա։

Մինչ այդ Կրեմլի խոսնակ Դմիտրի Պեսկովը արձագանքել էր ՆԱՏՕ-ի գլխավոր քարտուղար Մարկ Ռյուտտեի խոսքերին այն մասին, որ դաշինքը կարող է խոցել ռուսական ինքնաթիռներ, եթե դրանք սպառնան քաղաքացիական ենթակառուցվածքներին կամ բնակչությանը։ «Դուք ինքներդ էլ հասկանում եք՝ մենք ինքնիշխան երկիր ենք։ Ինչպես կվարվենք՝ դուք էլ պատկերացնում եք», — ասել էր Պեսկովը։