«Մեր հանրությանը բացարձակ չի էլ հետաքրքրում». Հովհաննիսյանը նորմալ է համարում, որ Թրամփը Փաշինյանին ասում է «մյուս տղան» (տեսանյութ)

«Քաղաքացիական պայմանագիր» խմբակցության քարտուղար Արթուր Հովհաննիսյանի կարծիքով՝  հայ հանրությանը բացարձակ չի հետաքրքրում, որ ԱՄՆ նախագահ Դոնալդ Թրամփը չի հիշում Նիկոլ Փաշինյանի անունն ու ասում է՝ «մյուս տղան», իսկ Հայաստանին էլ անվանում է Ալբանիա։

«ԱՄՆ նախագահը շփոթվել է, Ադրբեջանին էլ մի տեղ անվանել է Կամբոջա, չէ՞։ Դե լավ, շփոթվել է ԱՄՆ նախագահը»,- խորհրդարանական ճեպազրույցիների ժամանակ ասել է նա։

Նրա խոսքով՝ այս հարցը Հայաստանի օրակարգի հետ կապ չունի։

«Մեր հանրությանը բացարձակ չի էլ հետաքրքրում, խնդրում եմ՝ տալ հարցեր, որոնք բխում են ՀՀ օրակարգից ու քաղաքացիների և պետության շահից»,- ասել է ՔՊ-ական պատագամավորը։