Թուրքական ավիաուղիները սկսում է թռիչքները դեպի Երևան, դա մի բան է, որը տեղի կունենա առաջիկայում. Սարգիս Խանդանյան

ՔՊ-ական Սարգիս Խանդանյանը նշել է, որ միշտ էլ քննարկվել է թուրքական ավիաուղիների մուտքը հայկական շուկա։

Միշտ քաղաքական պատճառներով ավիաընկերությունը Հայաստան չի մտել»,-  ԱԺ ճեպազրույցների ժամանակ հայտարարել է նա։

ՔՊ-ականի խոսքով՝  Հայաստանի ու Թուրքիայի հատուկ բանագնացների վերջին հանդիպմանը քննարկվել էր, որ պետք է օդային ավիափոխադրումների ոլորտում ակտիվացնել համագործակցությունը։

«Ահա տեսնում ենք, որ թուրքական ավիաուղիները հայտնել է, որ սկսում է թռիչքներ դեպի Երևան, չգիտեմ, թե դա երբ կլինի, բայց դա մի բան է, որը տեղի կունենա առաջիկայում»,- ասաց Խանդանյանը։

Նա համոզված է՝ որևէ խնդիր չկա, որ Հայաստանի ու Թուրքիայի հարաբերություններն ամբողջ ծավալով կարգավորվեն։

«Սպասում ենք թուրքական կողմի գործուն քայլերին»,- ընդգծեց ՔՊ-ական պատգամավորը։